ஹோமகம வரலாறு
வரலாற்று அறிக்கைகளின் பிரகாரம் ஹோமகம முதன்முதலில் சீத்தாவக்க இராஜதானி காலத்தில்தான் குடியேற்ற திட்டமாக இருந்தது. காலனித்துவ ஆட்சியாளர்களால் 18ஆம் நூற்றாண்டில் இப் பிரதேசம் பெருந்தோட்ட கைத்தொழிலுக்காகப் பயன்படுத்தப்பட்டது அத்துடன் தெங்கு, ரப்பர் மற்றும் சிறு ஏற்றுமதி பயிர்கள் என்பன பிரதான பயிர்களாகப் பயிரிடப்பட்டிருந்தன. பாரியளவிலான சுமார் 33 தோட்டங்கள் இருந்தன. அவற்றில் மவுன்ட் கிளிபர்ட், சில்வர் டர்ட்டெஸ்ட், மத்தேகொட பெருந்தோட்டம் என்பவை பிரசித்திபெற்றவையாகும். மேலும் நெற் பயிர்ச்செய்கையும் பரவலாகக் காணப்பட்டது.
ஹோமகம பிரதேசத்தை ஊடறுத்து களனிவெளி புகையிரத பாதை 1908ஆம் ஆண்டு அமைக்கப்பட்டது. ஹைலெவல் பாதையை அமைப்பதற்கு முன்னர் கிராமிய விவசாய நடவடிக்கைகளுக்கு காணிகளைப் பயன்படுத்திய சிறிய கிராமங்களுக்கு ஊடாகச் சென்ற சிறிய பாதையின் மூலம் பிரதேசத்தில் போக்குவரத்து நடவடிக்கைகள் மேற்கொள்ளப்பட்டன. இக் காலப்பகுதியில் ஹோமகம புகையிரத நிலையம் "அழுத்த நகரம்" எனப் பெரிடப்பட்டிருந்தது. கொழும்பு நகரத்தை மையமாகக்கொண்டு பொருளாதார, சமூக, நிருவாக நடவடிக்கைகள் தீவிரமடைந்ததை அடுத்து 1948ஆம் ஆண்டு பிரித்தானிய இனத்தைச் சேர்ந்த நகர அமைப்பாளரான பெட்றிக் அபேகொம்பி சுற்றயல் நகரமாக ஹோமகமவை இனம் கண்டார்.
1963ஆம் ஆண்டில் ஹோமகம 07 கிராம உத்தியோகத்தர் பிரிவுகளைக் கொண்ட சிறு நகர சபையானது. 1988ஆம் ஆண்டு அது பிரதேச சபையாகியது. அத்துடன் அதில் 106 கிராம சேவையாளர் பிரிவுகள் அடங்கியிருந்தன. 1999ஆம் ஆண்டில் கிராம உத்தியோகத்தர் பிரிவுகள் 91ஆக மட்டுப்படுத்தப்பட்டன.
புவியியல் தகவல்கள்
ஹோமகம பிரதேச சபைக்குரிய பல பிரதேசங்களில் சிவப்பு கலந்த மஞ்சல் நிறமான அமைப்பு கொண்ட மண் காணப்படுகின்றது. மணலும் களிமண் படிமம் கொண்ட கனிய வளங்களுடன் "நைஸ்" கனிம படிமம் கொண்ட மலைகளையும் பிரதேசத்தில் காணக்கூடியதாக இருக்கின்றது. கடல் மட்டத்திலிருந்து 10 – 20 மிற்றர் பரப்பெல்லையைக் கொண்டுள்ள சுருள் தரை பிரதேசத்தில் உள்ள அடிப்படை புவித் தோற்ற அம்சமாகும்.
பிரதேசத்தின் பொதுவான வருடாந்த வெப்பநிலை பரன்ஹைட் 600 - 800க்கு இடைப்பட்டதாக இருக்கின்றது. வருடத்தின் பொதுவான மழைவீழ்ச்சியின் பிரகாரம் மி.மீ. 2500 - 3000 மற்றும் மி.மீ 3000 - 4000 என பிரதேசத்தை பிரதான இரண்டு வலயங்களாகப் பிரிக்க முடியும். பிரதேசத்துக்கு தென் மேற்கு பருவப்பெயர்ச்சி மழை அதிகளவில் கிடைக்கிறது. யூலை மாதத்தில் காற்றின் வேகம் மணிக்கு 10 கிலோ மீற்றர் வேகத்தில் வீசுவதை அவதானிக்க முடியும். இலங்கையின் அயனமண்டல ஈர வலயத்தில் அமைந்துள்ள ஹோமகம துணை காலநிலையுள்ள மூன்று வலயங்களைக் கொண்டுள்ளது. பிரதேசத்தின் தாவரங்கள் ஈரவலய தாவரங்களாகும்.